Melvyn Rodrigues - Poem 29 (Kannada)

ಗೀತ್

ಮ್ಹಾಕಾ ಕಳನಾ ಮ್ಹಜೆಂ ಹೆಂ ಗೀತ್
ಖಂಯ್ಸರ್ ಶಿಂಪಡೊನ್ ಗೆಲಾಂ?
ತುಜ್ಯಾ ವೊಂಟಾಂನಿ ಮೊಗಾಳಿ ಉಮೆ
ಬೋವ್ಶಾ ಸೊದೀತ್ ರಾವ್ಲಾಂ.

ಅಮೃತ್ ತುಜೆಂ ದೂಖ್ ಸದಾಂಚೆಂ
ಆಜ್ ಲಿಪೊನ್ ಗೆಲಾಂ
ಗೀತ್ ಮೆಗೆಲೆಂ ಭುಜಾವಣ್ ಘೆವ್ನ್
ಬೋವ್ಶಾ ಆಸ್ಡ್ಯಾಂನಿ ರಾವ್ಲಾಂ.

ಸದಾಂ ವಾಟೆರಿ ತುಜೆಂಗೋ ಯೆಣೆಂ
ಆಜ್ ಕಿತ್ಯಾಕ್‍ಗೋ ಲಿಪ್ಲಾಂ?
ಕಾಲ್ಚ್ಯಾ ಪಾವ್ಲಾಂಕ್ ಗೀತ್ ಕಾಳ್ಜಾಂತ್ಲೆಂ
ಬೋವ್ಶಾ ಆರಾಂವ್ಕ್ ಲಾಗ್ಲಾಂ.

ತುಜ್ಯಾ ಕೆಸಾಂಚೆಂ ಫುಲ್ ಸದಾಂಚೆಂ
ಆಜ್ ಝಾಡಾರ್ ಉರ್‍ಲಾಂ
ಗೀತ್ ಮನಾಂತ್ಲೆಂ ಝಾಡಾ ಭೊಂವ್ತಂಣಿ
ಬೋವ್ಶಾ ಪಾರೊತ್ ರಾವ್ಲಾಂ.

1986