ಮೆಲ್ವಿನ್ ರೊಡ್ರಿಗಸ್ - ಕವಿತಾ 19

ಸಮಾಧಾನಿ ಗೀತ್ - ಚಲ್ಯಾಚೆಂ

ಕಾಲ್ಚ್ಯಾ ದಿಸಾ
ಘುಗೀನ್ ಬೋಬ್ ಘಾಲ್ಲಿ
ಸುರ್ಯಾಕ್ ದಿಸಾಕಚ್ ಕಾಳ್ಬಾಣ್ ಮಾಂಡಲ್ಲಿ
ಮಾಂಯ್ನ್ ಘರ್‍ಚ್ಯಾ ದಾರಾರ್
ದಿವಿ ಗುಜ್ಯಾಚಿ ರೊಂಪಿ ಲಾಯಿಲ್ಲಿ
ತಶೆಂಚ್ ಜಾಲೆಂ-
ತುಂ ಮ್ಹಾಕಾ ಸೊಡ್ನ್ ಗೆಲೆಂಯ್
ಪುಣ್-
ಹಾಂವ್ ರಡನಾ
ಫಾತ್ರಾಕ್ ಪೊಟ್ಲುನ್ ಧರಿನಾ
ಆಯ್ಚ್ಯಾ ದಿಸಾ
ಕಾವ್ಳೊ ಹುಂಬ್ರಾರ್ ರಡ್ತಾ
ಕೊಗುಳ್ ಫಾಂಟಿಯೆರ್ ಗಾಯ್ತಾ
ಹಾಂವ್ ಸಂತೊಸಾನ್ ಆಸಾಂ
ಖಂಡಿತ್..
ಆಜ್ ಮ್ಹಾಕಾ
ನವೆಂ ಚೆಡುಂ ಲಾಗ್ತಾ!

1985