Melvyn Rodrigues - Poem 27 (Kannada)

ಅಸ್ಕತ್ಕಾಯ್

ಘರಾ ಬೊಶಿಯೆಂತ್ ಆಮಾಸ್
ಮೊಳ್ಬಾರ್ ಚಾಂದ್ನ್ಯಾಚಿ ರಾಸ್
ಚಂದ್ರಾಚೆ ಕುಡ್ಕೆ ಕಾಡುನ್‍ಗೋ ಬಾಯ್ಲೆ
ಭುರ್ಗ್ಯಾಂಕ್ ಖಾವಯ್ ಗ್ರಾಸ್

ಘರ್ ಕಾಳೊಕಾಚೆಂ ಸಾಣ್
ಮೊಳ್ಬಾರ್ ಚಂದ್ರಾಚೆಂ ನ್ಹಾಣ್
ಚಾಂದ್ನ್ಯಾಚ್ಯಾ ಕುಡ್ಕ್ಯಾಂಕ್ ವಿಚಾರ್‌ಗೋ ಬಾಯ್ಲೆ
ದೀಂವ್ಕ್ ಉಜ್ವಾಡಾಚೆಂ ದಾನ್

ಘರಾಂತ್ ಘಾಣಿಚೆ ತ್ರಾಸ್
ಪರ್ಮಳ್ತಾ ಚಂದ್ರೆಮ್ ಆಜ್
ಚಾಂದ್ನ್ಯಾಚೆ ಕಳೆ ಹುಮ್ಟುನ್‍ಗೋ ಬಾಯ್ಲೆ
ವಾಜಾಂತ್ ಭರುನ್ ಹಾಸ್

ಬಾಯ್ಲ್ ಭುರ್ಗಿಂ ಆಸಾತ್
ತರೀ ಜಿಣಿಯೆಂತ್ ಅನಾಥ್
ಪುನ್ವೆಚ್ಯಾ ಚಂದ್ರಾಕ್ ಧಾಡಾತ್‍ರೆ ತುಮಿ
ಘರಾಂತ್ ದೀಂವ್ಕ್ ಸಾಂಗಾತ್

1986