Melvyn Rodrigues - Poem 25 (Kannada)

ನಿರಾಪ್ರಾಧಿ

ತುಜೆ ರೆಂವೆರ್ ಮ್ಹಜಿಂ ಪಾವ್ಲಾಂ
ಅಶಿಂ ಕಶಿಂ ಪುಸುನ್ ಗೆಲಿಂ?
"ಮಸ್ತಿ ತಾಂಚಿ ಜಾಂವ್ಚೆ ಆದಿಂ
ಮ್ಹಜೆ ವೆಂಗೆಂಟ್ ಬುಡೊನ್ ಮೆಲಿಂ"

ತುಜ್ಯಾ ಕಾಗ್ದಾರ್ ಮ್ಹಜಿಂ ತಾರಾಂ
ಅಶಿಂ ಕಶಿಂ ಜಮೊ ಜಾಲಿಂ?
"ಮೊಳ್ಬಾರ್ ನಿದೊನ್ ಆಯ್ಲಿ ಉಬ್ಗೊಣ್
ಕಾಗ್ದಾಕ್ ಮ್ಹಜ್ಯಾ ಪಿಶಿಂ ಜಾಲಿಂ"

ತುಜ್ಯಾ ದಿವ್ಯಾನ್ ಮ್ಹಜೊ ಉಜ್ವಾಡ್
ಅಸೊ ಕಸೊ ಝೊಂಪಯ್ ಮಾರ್‍ಲೊ?
"ಕರ್ಪೊನ್ ತುಂವೆಂ ವೆಚೆಂ ಚಿಂತುನ್
ದಿವ್ಯಾಲಾಗಿಂ ಭೆಸ್ ಜೊಡ್ಲೊ"

ತುಜ್ಯಾ ಜಾಳಾಂತ್ ಮ್ಹಜಿ ಮಾಸ್ಳಿ
ಅಶಿ ಕಶಿ ಶಿರ್ಕೊನ್ ಗೆಲಿ?
"ತುಜ್ಯಾ ಉದ್ಕಾಂತ್ ಆಸ್ಲೆಂ ಝಗ್ಡೆಂ
ಜಾಳಾಂತ್ ದಿಸ್ಲ್ಯೊ ಸರ್ಗಾಕ್ ವಾಲಿ"

ತುಜೆ ಮತಿಂತ್ ಮ್ಹಜೆ ಉಲೆ
ಅಶೆ ಕಶೆ ಖುರ್ಸಾರ್ ಮೆಲೆ?
"ಗೊಮ್ಟೆಕ್ ಬಾಂದ್ಲಿ ಮಾಂಯ್ನ್ ಘಾಂಟ್
ತಿಚ್ಯಾ ನಾದಾಕ್ ವಿರೊನ್ ಗೆಲೆ"

1985