Melvyn Rodrigues - Poem 20 (Nagari)

सोधनां

सोधनां म्हजीं वोंटार तुज्या
सकाळ पऱ्यांत थांबलीं नांत
वोंट म्हजे म्होंवेच जाले
तान आजून भागली ना

पोल्यार तुज्या पेटला चंद्रेम
पुनव पासून भावली ना
चांदन्या कळे म्हज्या गालार
मोग आजून निंवलो ना

कपालीं तुज्या नाचता मोर
खरस तिका लाग्ली ना
गर्भेस्त जाल्यात म्हजे दोळे
आसड्यो लेगून हाल्ल्यो नांत

आंज भडवे हरध्यार निदल्यात
येदोळ पासून रडले नांत
जयो जोंपी काडचे हात
आजून म्हजे वोळ्ळे नांत

काळजा नातें जोडचे आदीं
मिस्तेर म्हजो सुटलो ना
उबेन सगळो कडलों तरी
सोधनां कशीं रावलीं नांत?

१९८५