Posts
निराप्राधी
तुजे रेंवेर म्हजीं पावालां
अशीं कशीं पुसूण गेलीं?
"मस्ती तांची जांवचे आदीं
म्हजे वेंगेंत बुडोन मेलीं"
तुज्या कागदार म्हजीं तारां
अशीं कशीं जमो जालीं?
"मोळबार निदोन आयली उबगोण
कागदाक म्हज्या पिशीं जालीं"
तुज्या दिव्यान म्हजो उजवाड
असो कसो झोंपय मारलो
"करपोन तुंवें वेचें चिंतून
दिव्यालागीं भेस जोडलो"
तुज्या जाळांत म्हजी मासळी
अशी कशी शिरकोन गेली?
"तुज्या जाळांत आसलें झगडें
जाळांत दिसल्यो सरगाक वाली"
तुजे मतींत म्हजे उले
अशे कशे खुरसार मेले?
"गोमटेक बांदली मांयन घांट
तिच्या नादाक विरोन गेले"
१९८५
Subscribe to:
Post Comments (Atom)
No comments:
Post a Comment