Posts
यादी
व्होराण जशें राया शादी
मना हुंबरार तुज्यो यादी
बोंडा थावून भायर तिळतात
आबोल्यांचे बोंगे सोबीत
फाल्यां पळे तेगो फुलतात
फांत्याफारा मयपास वोंकीत
फाल्यां पासून राकूं कशें
चिंतून काळजाक लागल्या व्याधी
मना हुंबरार तुज्यो यादी
तरने सांजेर दिश्टी पोंतार
दर्या सुर्या जोडी जाली
सुर्याक आपणांत घेतां घेतां
दर्यांत रगता खातड जाली
देखतां दोळ्यांत देंवलीं दुखां
फुडाराच्यो चिंतून गादी
मना हुंबरार तुज्यो यादी
रोसा दिसा पोळवा वासा
जिविताचें धुंपलें होडें
लगना रातचे घडये राकतां
एकसुरपणा काडूंक भाडें
राकची पिडा सोसची कशें
आयच्या सपणांत जाव्यां शादी
मना हुंबरार तुज्यो यादी
१९९०
गादी=proverbs
Subscribe to:
Post Comments (Atom)
No comments:
Post a Comment